Zuckerberg i premton Merkel-it luftë kundër komenteve urrejtëse

Në facebook ka gjithnjë komente raciste dhe nxitje urrejtjeje kundër refugjatëve – këtë Mark Zuckerberger dëshiron më në fund ta ketë më mirë nën kontroll.

Shefi i rrjetit e siguroi Merkel-in për një kontroll më të ashpër të komenteve në internet. Në një takim në përfundim të Samitit mbi Zhvillim të Qëndrueshëm të shtunën në Nju- Jork, Zuckerberger foli për problemin e e-maileve urrejtëse.

Zuckerberger tregoi se është mirë i informuar. „Unë mendoj se duhet të punojmë në atë drejtim“, theksoi ai. Merkel e pyeti atë se a është duke punuar në përmirësime ndërmarrja e tij, së cilës pyetje Zuckerberger iu përgjigj me „po“.

Edhe ministri Federal i Drejtësisë, Heiko Maas (SPD), kërkonte, sipas raporteve të mëhershme, bisedime me facebook për përshpejtimin e procedurave për fshirjen e komenteve urrejtëse. Ministri i Drjetësisë tashmë është takuar me përfaqësuesit e facebook-ut. Është vendosur, ndër të tjera, edhe  krijimi i një grupi të punës që do të merret me komentet urrejtëse në rrjet.

Berliner Kurier

Përkthimi: Nexhmedin Gerguri