Zvicër: Vala e të nxehtit tërheq më shumë vizitorë në male

Që nga fillimi i sezonit në fillim të majit deri në fund të qershorit, ka pasur pesë për qind më shumë vizitorë në pushimoret malore të Zvicrës

Për shkak të valës së vazhdueshme të të nxehtit, shumë njerëz po kërkojnë strehim në male për t’u freskuar. Që nga fillimi i sezonit në fillim të majit deri në fund të qershorit, ka pasur pesë për qind më shumë vizitorë në pushimoret malore të Zvicrës krahasuar me vitin e kaluar, transmeton albinfo.ch.

Megjithatë, vizitorët tregojnë një strukturë të ndryshme me ata në vitet e tjera, sipas Berno Stoffel, drejtor i teleferikëve të Zvicrës. Për shembull, në këtë vit ka 40 për qind më pak vizitorë nga India.

Klubi Alpin Zviceran (SAC) po tregon gjithashtu performancë të mirë, shkruan srf.ch. Vitin e kaluar ai ka shënuar një verë rekord. Edhe ky vit duhet të jetë shumë i mirë, thotë Bruno Lüthi, kreu i operacioneve të shtëpizave malore të pushimit.

Përafërsisht 80 për qind e mysafirëve të tyre janë zviceranë; vizitorët e huaj janë kryesisht nga vendet fqinje.

---