Të premten u jepet lamtumira e fundit tre mërgimtarëve që humbën jetën në aksidentin tragjik në Gjermani

Tre mërgimtarët që humbën jetën rrugës për në Gjermani varrosen të premten në Ferizaj

Tre mërgimtarët që humbën jetën në një aksident tragjik rrugor, teksa po ktheheshin nga Kosova drejt Gjermanisë, do të varrosen të premten në Ferizaj.

Platforma mediale Albinfo.ch kishte raportuar ditë më parë për aksidentin tragjik, ku humbën jetën Tahir Tahiri, Gentian Tahiri dhe Laurent Aliu.

Ceremonia e varrimit do të mbahet të premten, më 14 gusht, duke filluar nga ora 17:00, në lagjen Nuhaj, në fshatin Komogllavë të Ferizajt.

Familjarë, të afërm, miq dhe qytetarë pritet të mblidhen për t’u dhënë lamtumirën e fundit tre viktimave të kësaj tragjedie.

Vdekja e tyre ka tronditur familjet dhe komunitetin, ndërsa lajmi për aksidentin ka prekur edhe mërgatën shqiptare në Gjermani./Albinfo.ch

---