Hotelet zvicerane rikthehen në rritje pas katër muajsh rënie

(KEYSTONE/Gaetan Bally)

Sektori hotelier në Zvicër ka regjistruar një rritje të lehtë të net-qëndrimeve gjatë muajit korrik, duke ndërprerë kështu një seri prej katër muajsh radhazi me rezultate negative.

Sipas vlerësimeve paraprake të publikuara nga Zyra Federale e Statistikave (FSO), numri i net-qëndrimeve në hotelet zvicerane u rrit me 0.3% krahasuar me korrikun e vitit të kaluar, shkruan swissinfo.ch, transmeton albinfo.ch.

Rritja është nxitur kryesisht nga turistët vendas. Net-qëndrimet e mysafirëve nga Zvicra u rritën me 3.8%, ndërsa ato të vizitorëve nga jashtë vendit shënuan një rënie prej 2.6%.

Rezultati i korrikut është pozitiv për sektorin, pasi nga muaji mars industria hotelierike zvicerane kishte regjistruar rënie të vazhdueshme mujore. Vetëm në qershor, net-qëndrimet kishin rënë me 2.2% në krahasim me të njëjtën periudhë të vitit të kaluar.

Në gjysmën e parë të vitit 2026, hotelet në Zvicër regjistruan rreth 20.3 milionë net-qëndrime, ose 0.7% më pak se një vit më parë. Edhe gjatë kësaj periudhe, kërkesa e turistëve vendas ishte në rritje, ndërsa ajo e vizitorëve të huaj shënoi rënie.