Stuhia që përfshiu sot Zvicrën la pas shumë dëme materiale dhe të lënduar

Sipas MeteoSwiss, stuhia ishte veçanërisht e fortë në kantonin e Cyrihut, një ngjarje që ndodh vetëm një herë në vit në Zvicër

Të premten, më 28 gusht 2026, një front stuhie me fuqi shkatërruese përfshiu Zvicrën nga perëndimi në lindje, duke lënë pas dëme të rënda, dhjetëra të lënduar dhe kaos trafiku. Rrafshnalta Zvicerane përgjatë Maleve Jura dhe pjesë të Zvicrës veriperëndimore dhe verilindore u goditën veçanërisht rëndë, transmeton albinfo.ch.

U raportua për stuhi ekstreme breshëri: Erërat e forta sollën breshër që varionin në madhësi nga topat e golfit deri te topat e tenisit.

Në Winterthur (ZH) dhe pjesë të kantoneve të Bernës, Solothurn dhe Aargau, çatitë u shqyen, kopshtet dimërore u shkatërruan dhe fasadat e shtëpive dhe qepenat u dëmtuan rëndë.

U regjistruam po ashtu dhjetëra të lënduar dhe aksidente të shumta trafiku, të shkaktuara nga stuhia, shkruan srf.ch. Në rrugë, disa kamionë u përmbysën nga erërat e forta të uraganit. Po ashtu pati kaos trafiku në hekurudhë dhe rrugë: Në qytetin e Bernës, shirat e rrëmbyeshëm dhe përmbytjet çuan në bllokimin e përkohshëm të të gjitha linjave të tramvajit dhe kufizime të ashpra në transportin publik.

Në autostradën A1 pranë Birrfeld, Aargau, mbizotëruan kushte kaotike për shkak të drurëve të rrëzur dhe mbeturinave të rëna.

Po kështu raportohet për dëme të mëdha që u shkaktuan nga moti i keq: Kompanitë e sigurimeve (përfshirë AXA, Allianz Suisse dhe Mobiliar) po merrnin thirrje emergjente çdo minutë deri në mesditë. Allianz vlerëson numrin e dëmeve në automjete, çati dhe ndërtesa në mbi 10,000 raste.

SRF Meteo regjistroi mbi 53,000 goditje rrufeje në të gjithë Zvicrën gjatë kalimit të frontit të ftohtë deri në mbrëmje.

Sipas MeteoSwiss, stuhia ishte veçanërisht e fortë në kantonin e Cyrihut, një ngjarje që ndodh vetëm një herë në vit në Zvicër. Rreth 60 persona pësuan lëndime, kryesisht nxënës shkolle, të cilët u detyruan të shtroheshin në spital.

Brenda gjysmë ore, shërbimet e emergjencës së Cyrihut morën afërsisht 450 thirrje.

 

---