8 milionë automjete Volkswagen, të manipuluara në BE

Skandali me manipulimin e automobilave gjermanë Volkswagen ka filluar në SHBA, por tani tregon se shumica e automobilave janë të prekur edhe në Evropë.

Në përgjithësi, rreth 11 milionë automobila janë manipuluar brenda Bashkimit Evropian (BE), mirëpo vetëm 8 milionë janë konfirmuar, tha një zëdhënës i VW për gazetën “Wolfsburg Handelsblatt”.

Gazeta tha se të gjithë anëtarët e Bundestagut janë të informuar për rastin.

Kompania kërkoi falje për “sjelljen e gabuar të disa personave” dhe premton se Këshilli Mbikëqyrës me ndihmën e avokatëve gjermanë dhe amerikanë ka për të ndjekur një “proces korrekt”.

Për të gjitha gjobat dhe për të mbuluar shpenzimet e servisimit  Volkswagen AG ka njoftuar tashmë se ka siguruar 6.5 miliardë euro.

Sipas departamentit financiar DPA, nga prodhuesi shqyrtohen skenarë të ndryshëm me zhvillim negativ, duke marrë parasysh efektet për shkak të shkurtimeve të mundshme në klasifikimin e kredive, rënia në shitje dhe gjoba papritur të larta.

Disa ditë më parë u bë e qartë se 5700 makina të reja të markave Volkswagen dhe Audi janë prekur nga skandali edhe në Bullgari.​