Shqipëria triumfon 3-0 ndaj San Marinos, kuqezinjtë vazhdojnë në krye

Shqipëria ka regjistruar fitoren e dytë radhazi në Ligën e Kombeve, duke mposhtur 3-0 San Marinon në transfertë.

Kuqezinjtë e nisën ndeshjen me ritëm dhe kaluan në avantazh në minutën e 21-të me anë të Mehmetit, pas një aksioni nga goditja e këndit. Gjashtë minuta më vonë, Uzuni dyfishoi rezultatin, pasi përfitoi nga një goditje dënimi e Manajt. Goli u verifikua edhe nga VAR-i.

Në pjesën e dytë, Shqipëria menaxhoi avantazhin dhe në minutën e 65-të Manaj shënoi golin e tretë, duke vulosur fitoren 3-0.

Me këtë rezultat, Shqipëria vazhdon të kryesojë grupin, ndërsa trajneri Rolando Maran aktivizoi edhe debutuesin Sina, në një formacion me disa ndryshime.

San Marino 0-3 Shqipëri

21’ Mehmeti

27’ Uzuni

65’ Manaj