Të rinjtë protestojnë në aeroport, në pritje të Von der Leyen

Grupi i të rinjve ka zhvilluar një protestë në Aeroportin Ndërkombëtar të Prishtinës, në kohën kur Presidentja e Komisionit Evropian pritet të mbërrijë në Kosovë

Një grup të rinjsh janë mbledhur sot në Aeroportin Ndërkombëtar të Prishtinës “Adem Jashari”, në shenjë proteste në kohën kur pritet të mbërrijë Presidentja e Komisionit Evropian, Ursula von der Leyen.

Protesta është paralajmëruar në lidhje me aktgjykimin e Dhomave të Specializuara të Kosovës në Hagë ndaj ish-krerëve të Ushtrisë Çlirimtare të Kosovës. Organizatorët kanë deklaruar se tubimi është paqësor dhe zhvillohet përmes parullave dhe mesazheve qytetare.

Von der Leyen po qëndron sot në Kosovë, në kuadër të një turi në Ballkanin Perëndimor. Gjatë vizitës në Prishtinë, ajo pritet të takohet me ushtruesen e detyrës së Presidentes, Albulena Haxhiu, si dhe me kryeministrin Albin Kurti.

Pas qëndrimit në Kosovë, Presidentja e Komisionit Evropian do të udhëtojë drejt Podgoricës, ndërsa më 2 tetor do të jetë në Shkup, në kuadër të turit të saj rajonal.

---