Kosovë: Situata në protestë fillon të qetësohet, policia zhvendoset drejt Kuvendit

Situata gjatë protestës në Prishtinë ka nisur të qetësohet, ndërsa forcat speciale të Policisë së Kosovës janë zhvendosur nga zona pranë Teatrit Kombëtar në drejtim të objektit të Qeverisë së Kosovës.

Pas tërheqjes së policisë nga pozicioni fillestar, një pjesë e protestuesve janë afruar drejt ndërtesës së Qeverisë.

Gjatë zhvillimeve, deputeti i PDK-së dhe ish-komandanti i FSK-së, Rrahman Rama, u ka bërë thirrje protestuesve që të ruajnë qetësinë.

Ndërkohë, deputetët e PDK-së, Enver Hoxhaj, Blerta Deliu-Kodra dhe Ariana Musliu-Shoshi, kanë zhvilluar bisedë me komandantin operacional të Policisë së Kosovës. Ata kanë kërkuar tërheqjen e forcave policore dhe kanë shprehur shqetësim lidhur me atë që e kanë cilësuar si përdorim joproporcional të forcës.

Për momentin, situata në zonën e protestës rapoetohet më e qetë, ndërsa zhvillimet po monitorohen nga afër.