Vetëm pak orë para skadimit të afatit kushtetues për zgjedhjen e presidentit, kryeministri Albin Kurti ka prezantuar dy kandidatë të rinj nga radhët e tij: Glauk Konjufcën dhe Feride Rushitin.
Kurti i ka bërë thirrje kryetarit të PDK-së, Bedri Hamzës, që të deklarojë publikisht se i gjithë Grupi Parlamentar i PDK-së do të marrë pjesë në votimin për president.
Në këmbim të këtij zotimi, Kurti ka ofruar që të votohet menjëherë edhe Projektligji për Dhomat e Specializuara, duke propozuar që Kuvendi sonte të zhvillojë votimin për të dy çështjet.
“Glauku ose Feridja”, ka deklaruar Kurti, duke e paraqitur ofertën si një marrëveshje për zhbllokimin e situatës politike.