Haradinaj kërkon pjesëmarrjen e deputetëve në Kuvend për votimin e Projektligjit

Deputeti i Aleancës për Ardhmërinë e Kosovës, Ramush Haradinaj, u ka bërë thirrje kolegëve të tij që të kthehen në Kuvend dhe të marrin pjesë në votimin e Projektligjit për Institutin për Dokumentimin e Krimeve të Luftës.

Haradinaj theksoi se koha në dispozicion është e kufizuar, duke deklaruar se kanë mbetur rreth tri orë deri në përfundimin e afatit.

Ai u shpreh se mosmiratimi i këtij projektligji do të ishte një veprim i papranueshëm dhe kërkoi nga deputetët që ta përmbyllin procesin brenda afatit.

“Ju bëj thirrje, ejani në Kuvend ta kryejmë ligjin. Edhe tri orë i kemi. Diçka e pafalshme mos me votu”, deklaroi Haradinaj.