Vjena po përgatitet të mirëpresë sezonin e Krishtlindjeve. Nga mesi i nëntorit, kryeqyteti austriak pritet të vishet me drita festive, ndërsa tregjet tradicionale dhe sheshet historike do të marrin një pamje të veçantë, transmeton albinfo.at.
Dekorimet përgjatë rrugëve të këmbësorëve, ndriçimi festiv dhe tregjet e njohura të Krishtlindjeve e bëjnë Vjenën një prej destinacioneve tërheqëse për ata që dëshirojnë ta përjetojnë atmosferën e festave në Evropë.
Vizitorët do të kenë mundësi të shijojnë stendat tradicionale, dhuratat artizanale, specialitetet sezonale dhe shëtitjet nëpër qendrën historike të qytetit, ku arkitektura elegante ndërthuret me traditat e fundvitit.
Përgatitjet për sezonin festiv kanë nisur, ndërsa javët e ardhshme pritet ta sjellin Vjenën gjithnjë e më pranë atmosferës së Krishtlindjeve./Albinfo.at
