Pas disa muajsh të kaluar në paraburgim, një afarist shqiptar me banim në Baden të Austrisë, është liruar nga paraburgimi dhe tashmë do të mbrohet në liri.
Burime të albinfo.at mësojnë se, bëhet fjalë për afaristin A.G., i cili po përballet me disa akuza, njëra ndër to është për evazion fiskal apo fshehje e tatimeve, ndërsa procedurat gjyqësore pritet të vazhdojnë në qytetin e Wiener Neustadt, ku në një të ardhme të afërt do të nisë procesi gjyqësor.
Mbrojtjen e tij ligjore e ka marrë përsipër avokati i njohur shqiptar në Austri, Mag. Mirsad Musliu, i cili do ta përfaqësojë të akuzuarin shqiptar gjatë procedurave të mëtejshme ligjore, raporton albinfo.at
Deri në një vendim përfundimtar të gjykatës, vlen parimi i prezumimit të pafajësisë./Albinfo.at
