Presidenti i Kroacisë, Zoran Milanoviq, pritet ta vizitojë Kosovën më 10 dhjetor 2026, në kuadër të një vizite zyrtare, bëhet e ditur nga raportimet e mediave në Kosovë, të cilat i referohen burimeve diplomatike, përcjell albinfo.ch.
Vizita e fundit e Milanoviqit në Kosovë ishte më 23 dhe 24 dhjetor 2021, me ftesë të presidentes së atëhershme, Vjosa Osmani.
Gjatë qëndrimit në Prishtinë, ai ishte takuar me Osmanin, kryeministrin Albin Kurti dhe kryetarin e atëhershëm të Kuvendit, Glauk Konjufca. Po ashtu, kishte vizituar Janjevën, komunitetin kroat në Kosovë dhe ushtarët kroatë që shërbejnë në kuadër të misionit të KFOR-it.
Gjatë vizitës së vitit 2021, presidenti kroat kishte shprehur mbështetjen e vendit të tij për integrimin euroatlantik të Kosovës dhe për avancimin e njohjeve ndërkombëtare të pavarësisë së saj./Albinfo.ch
