Shkolla shqipe në Dübendorf, me emrin «Shkolla Shqipe», ka bërë të ditur se prindërit mund t’i regjistrojnë fëmijët për vijimin e mësimit të gjuhës shqipe. Mësimi mbahet çdo të enjte, nga ora 17:00 deri në 18:30, në ambientet e shkollës Schulhaus Grüze 5, në adresën Neuhaldenstrasse 37, 8600 Dübendorf, në dhomën 5.0/04, shkruan albinfo.ch.
Përmes organizimit të këtyre kurseve, shkolla synon të ndihmojë fëmijët shqiptarë që jetojnë në Zvicër ta ruajnë dhe ta zhvillojnë gjuhën e tyre amtare, duke kontribuar njëkohësisht në integrimin e tyre në shoqërinë zvicerane.
Rëndësia e mësimit në gjuhën amtare është e njohur edhe në aspektin shkencor, pasi zotërimi i gjuhës së parë mund t’ua lehtësojë fëmijëve edhe mësimin e gjuhëve të tjera, përfshirë gjuhën gjermane.
Kurse të tilla kanë rëndësi të veçantë edhe për ruajtjen e identitetit kulturor. Përmes njohjes dhe përdorimit të gjuhës shqipe, fëmijët kanë mundësi të kultivojnë lidhjen me prejardhjen e tyre dhe të ruajnë raportin me vendin e origjinës së familjeve të tyre.
Për informata dhe regjistrim, prindërit mund të kontaktojnë përgjegjësin e shkollës, Dr. Vaxhid Sejdiu, në numrin e telefonit 076 321 26 94 ose përmes adresës elektronike vaxhid_sejdiu@hotmail.com.
Mësimi zhvillohet çdo të enjte, nga ora 17:00 deri në 18:30, në Dübendorf./Albinfo.ch
