Dëbim me forcë për 12 serbë, kanë kërcënuar me vdekje personelin e azilit

Një incident që ka ndodhur në një shtëpi azili në Hamburg ka qenë shkaktar për dëbimin me procedurë të shkurtuar dhe me detyrim të 12 azilkërkuesve. Fjala është për dymbëdhjetë refugjatë serbë të cilët kishin kërcënuar udhëheqësit e qendrës ku ishin strehuar, duke kërkuar prej tyre që t`i vendosnin në një qendër tjetër, sipas tyre më të mirë.

Siç shkruan Focus.de, duke iu referuar ministres së punëve sociale në Hamburg, Melanie Leonhard

serbët në fjalë u kishin drejtuar edhe kërcënime me vdekje shefave të qendrës së strehimit dhe kjo ka qenë arsyeja e dëbimit të tyre të menjëhershëm.

Sipas njoftimit të Zyrës për Të huajt të Hamburgut, tetë nga azilkërkuesit janë transportuar me aeroplan të shtunën dhe katër të tjerët përmes rrugës tokësore, të enjten e javës së kaluar.