Skip to content

Diskutohet marrëveshja për sigurimet shoqërore ndërmjet Austrisë dhe Kosovës

Ambasadori austriak takohet me ministrin Andin Hoti, diskutohet marrëveshja për sigurimet shoqërore

Ambasadori i Austrisë në Kosovë, Georg Schnetzer, zhvilloi një takim me ministrin e Punës, Familjes dhe Vlerave të Luftës Çlirimtare, Andin Hoti, ku në fokus ishte bashkëpunimi ndërmjet dy vendeve dhe përmbyllja e marrëveshjes për sigurimet shoqërore, transmeton albinfo.at.

Ambasadori austriak, Georg Schnetzer, është takuar me ministrin Andin Hoti. Në takim ishte e pranishme edhe Rita Glavitza, udhëheqëse e zyrës së Agjencisë Austriake për Zhvillim në Prishtinë, raporton albinfo.ch.

Sipas njoftimit të Ambasadës Austriake në Prishtinë, gjatë takimit u diskutuan prioritetet dhe planet e ministrisë, si dhe avancimi i bashkëpunimit zhvillimor ndërmjet Austrisë dhe Kosovës.

Palët shkëmbyen mendime edhe për mundësitë e ndarjes së përvojave dhe ekspertizës në sektorët që mbulon ministria.

Një nga temat kryesore të diskutimit ishte Marrëveshja për Sigurimet Shoqërore ndërmjet dy vendeve. Përmbyllja e saj do të mundësojë njohjen e ndërsjellë të periudhave të sigurimit dhe përvojës së punës në Austri dhe Kosovë./Albinfo.ch