Skip to content

Kosova ndër vendet me vlerësimin më të lartë në Evropë për sigurinë dhe rendin

Kosova është renditur në mesin e vendeve me rezultatin më të lartë në Evropë në Indeksin e Ligjit dhe Rendit për vitin 2026, të publikuar nga organizata ndërkombëtare Gallup, transmeton albinfo.ch.

Sipas raportit, Kosova ka grumbulluar 90 pikë nga 100 të mundshme, duke u pozicionuar në vendin e 14-të në renditjen globale.

Në nivel evropian, Kosova bën pjesë në pesë vendet me rezultatin më të lartë, krahas Zvicrës, Lituanisë dhe Norvegjisë.

Indeksi i Gallupit bazohet në katër tregues kryesorë: ndjenjën e sigurisë gjatë ecjes vetëm gjatë natës, besimin e qytetarëve në policinë lokale, përvojat me vjedhjet, si dhe ato me sulmet fizike apo grabitjet gjatë 12 muajve të fundit./Albinfo.ch.