AALEA e ka vlerësuar shqiptaro-amerikanin gjatë Muajit të Trashëgimisë Shqiptare, duke vënë në pah kontributin e tij në institucionet federale të Shteteve të Bashkuara, njofton albinfo.ch.
Besfort Ferati, me origjinë nga Mitrovica e Kosovës, është nderuar nga Asociacioni i Zbatimit të Ligjit Shqiptaro-Amerikan (AALEA) për shërbimin e tij në Shërbimin Sekret të Shteteve të Bashkuara të Amerikës, raporton albinfo.ch.
Në kuadër të Muajit të Trashëgimisë Shqiptare, AALEA ka vlerësuar përkushtimin, disiplinën dhe profesionalizmin e Feratit, duke njohur njëkohësisht edhe kontributin e shqiptarëve që shërbejnë në institucionet federale amerikane të zbatimit të ligjit.
“Dy flamuj. Një zemër. Një mision”, thuhet në mesazhin e organizatës, e cila thekson krenarinë për rrënjët shqiptare dhe shërbimin në mbrojtje të Shteteve të Bashkuara. /Albinfo.ch