Partitë në koalicion, pa marrëveshje për refugjatët

Partitë gjermane në koalicion CDU/CSU dhe SPD nuk po ia dalin të pajtohen lidhur me pakon e masave për qasjen ndaj refugjatëve. Edhe mbledhja e sotme në zyrën e Kancelares në Berlin, që ka zgjatur dy orë, ka përfunduar pa ndonjë rezultat, shkruajnë mediet gjermane.

Mbledhja e përmendur do të ketë vazhdimin e saj të enjten që vjen.

Siç ka deklaruar një zëdhënës i qeverisë, kanë mbetur “edhe disa pika të hapura” për të arritur pajtimin. Në mesin e këtyre pikave hyn edhe problemi i zonave tranzitore. Kështu përderisa CDU dhe CSU dëshirojnë që këto zona t`i vendosin në afërsi të kufijve, ku azilkërkuesit do të regjistroheshin dhe më tutje do të mund të dëboheshin sa më shpejt, SPD është e mendimit që të hapen qendra të ashtuquajtura të pranimit në kampet e paraqitjes së azilkërkuesve në brendi të vendit.