9.99 € bileta për udhëtim me aeroplan

Kompania ajrore me kosto të ulët (low cost) „Ryanair” ka nisur një ofertë të veçantë, duke shitur biletat e fluturimeve  me vetëm 9.99 euro për sezonin dimëror, për të nxitur qarkullimin dhe shitjen e biletave ajrore.

Në periudhën promovuese nga 30.10 deri  02.11 kompania do të shesë 500 mijë bileta për 370 destinacionet evropiane gjatë sezonit dimëror me një çmim simbolik prej 9.99 eurosh.

Faqja e kompanisë në internet po përjeton probleme serioze në shitjen e hershme online të këtyre biletave nga oferta speciale, e cila në shitjet normale kushtojë shumë më tepër.

Udhëtarët gjatë dimrit me kosto minimale mund të marrin rrugë në 370 linja evropiane: Pisa, Roma, Paris, Pescara, Zaragoza, Madrid, Bruksel, Porto etj.