Fluks refugjatësh në Zvicrën Lindore

Për katër ditë rreth 1,400 njerëz kanë ardhur në Zvicër

Keystone

Fundjavën e kaluar, shumë më shumë njerëz kanë hyrë në Zvicër se zakonisht. Numri i azilkërkuesve është dyfishuar siç raporton “SRF” në emisionin „Echo der Zeit”. Për katër ditë rreth 1,400 njerëz kanë ardhur në Zvicër.

Shumë prej tyre janë afganë. Me sa duket ata kishin udhëtuar fillimisht nëpërmjet rrugës ballkanike për në Gjermani, por pastaj u nisën në Zvicër, thanë autoritetet kufitare zvicerane. Për shkak të rritjes së papritur të numrit të azilkërkuesve në kufijtë lindorë Qeveria Federale ka shtuar kapacitetet duke krijuar vende për strehim të përkohshëm. Atje të ardhurit e rinj janë duke pritur për regjistrimin e tyre.

Sekretariati Shtetëror për Migrim nuk pranoi të komentojë mbi zhvillimet e fundit. Sipas  “Echo der Zeit” përfaqësues të autoriteteve federale dhe kantoneve janë takuar  pasditen e të premtes për të diskutuar situatën e krijuar. Së shpejti konfederata dhe kantonet do të vendosin nëse do të aktivizojnë planin e emergjencës për azilkëkërkuesit.