SVP/UDC me 11 kandidatë për Këshillin Federal

Grupi parlamentar i SVP-së gjatë javës që vjen duhet të vendosë se cilin kandidat do ta dërgojë për votim para Asamblesë Parlamentare më 9 dhjetor

13 nëntori ka qenë dita e fundit kur SVP/UDC-ja ka pasur mundësi të zyrtarizojë kandidatët e saj për Këshillin Federal (qeverinë e vendit).

Siç dihet, me dorëheqjen e ministres Eveline Widmer-Schlumpf nga posti i saj qeveritar, një vend në ekzekutivin e Zvicrës mbetet i zbrazët. Ndërsa sipas fuqisë në parlalment që ka SVP dhe sipas një pranimi në heshtje nga shumica e partive, vendi i dytë në ekzekutiv i takon SVP-së dhe ai do të plotësohet më 9  dhjetor.

Deri në përmbyllje të afatit, në komisionin përkatës, kompetent për këtë proces, kanë arritur 11 kandidatura. Ndërsa grupi parlamentar i SVP-së gjatë javës që vjen duhet të vendosë se cilin kandidat do ta dërgojë për votim para Asamblesë Parlamentare më 9 dhjetor, njoftojnë mediet zvicerane.

Kandidatët janë: Norman Gobi, Guy Parmelin, Albert Röst, Oskar Freysinger, Heinz Brand, Thomas Aeschi, Hannes GermannThomas Hurter, Thomas de Courten dhe Davd Weis.

Është interesante se nga ky numër, 2 vijnë nga kantonet frankofone dhe një nga kantoi i vetëm italian, nga Tesina. Të gjithë 11 kandidatët janë meshkuj.