Për 9 muaj, 389 kosovarë bëhen me pasaportë austriake

Qytetarët e Kosovës vazhdojnë të shprehin interesim të madh për t`u pajisur me pasaportë austriake. Vetëm në nëntë mujorin e parë të vitit 2015, këtë pasaportë e kanë marrë 389 kosovarë, njofton “albinfo.ch”

Sipas statistikave të fundit në Austri në nëntë mujorin e parë të vitit 2015 gjithsej 6093 banorë të huaj kanë marr nënshtetësi austriake. Këto shifra tregojnë se janë rreth 422 përfitues më shumë se në periudhën kohore të vitit të kaluar. Interesimi më i madh për pasaportë austriake është kryesisht nga shtetasit e vendve të Ballkanit, raporton “krone.at”

Numri më i madh i atyre që tashmë janë bërë austriakë të rinj, vjen nga Bosnja me 911, të ndjekur nga turqit me 774, serbët 467, banorët nga Kosova me 389, Ukraina 252, rusët 212, Egjipti 167, rumunët 164, indianët 163 dhe banorët nga Maqedonia me 155.

Sipas regjioneve, rritje më e madhe e përfituesve të pasaportës austriake është shënuar në Vjenë (17,2.  për qind), në Vorarlberg (10 për qind), e ndjekur më pas nga landi Kärnten (5,9. për qind), Salzburgu (3,3 për qind), Austria e Ultë (3,1. për qind) në Steiermark (2,4. për qind). Ndërsa më së paku kërkesa për pasaportën austriake janë shënuar në Austrinë e Epërme me vetëm (0.1 për qind).