Gjermania dëbon ballkanasit edhe pa dokumente valide

Autoritetet gjermane kanë negociuar një marrëveshje me vendet e Ballkanit Perëndimor me të cilën mundësohet dëbimi më i shpejtë i migrantëve që nuk kanë dokumente të rregullta

Gjermania për herë të parë do të dëbojë, gjegjësisht do t`i përcjell në rrugën ajrore për në vendet e prejardhjes azilkërkuesit ballkanikë me status të refuzuar të azilit, duke i pajisur me dokumente të përkohshme (Laissez-Passer e BE-së).
Gjatë kësaj jave do të bëhet fluturimi i refugjatëve ballkanikë përmes kësaj procedure, mëson reurters nga qarqet qeveritare gjermane, trasmeton albinfo.ch.
Ministri i brendshëm Thomas de Maiziere dhe ai i jashtëm Frank Walter Steinmeier kanë negociuar nga fundi i tetorit një marrëveshje me vendet e Ballkanit Perëndimor me të cilën mundësohet dëbimi më i shpejtë i migrantëve që nuk kanë dokumente të rregullta.
BE ja kishte futur në fuqi qysh në vitin 1994 Dokumentet e tilla të përkohshme (Laissez-Passer), të cilat shërbenin për kthimin e refugjatëve të cilët i asgjësonin pasaportat e tyre.
Pa këtë procedurë, zgjaste shumë koha deri sa vendet e prejardhjes e bënin verifikimin e identitetit të këtyre migrantëve, për t`i pajisur me pasaporta të përkohshme të vendeve përkatëse, përcjell albinfo.ch mediet gjermane.  Ndërkaq tash, me marrëveshjen që e kanë pranuar vende e Ballkanit Perëndimor, ato lejojnë që autoritetet gjermane të verifikojnë identitetin e shtetasve ballkanikë dhe t`ua përgatisin atyre dokumentet e përkohshme, gjegjësisht për një udhëtim.