A do të kushtojë bileta vjetore (GA) së shpejti mbi 5000 franga?

Nëse GA do të jetë 30 për qind më e shtrenjtë në vitet e ardhshme, ajo do të kushtojë mbi 5,000 franga në vitin 2035 (aktualisht 3,995 franga)

Shoqata e sektorit të transportit publik pret që kostot të rriten ndjeshëm në 10 vitet e ardhshme. Megjithatë, ata duan të përmbahen nga masat radikale të kursimit, transmeton albinfo.c.

Përdoruesve të transportit publik do tu duhet të “gërmojnë” edhe më thellë në xhepat e tyre në të ardhmen: Siç njoftoi shoqata e sektorit të transportit publik VöV në një konferencë shtypi të mërkurën, kostot pritet të rriten me 30 për qind gjatë dhjetë viteve të ardhshme.

Në varësi të biletës, kjo rritje çmimi do të ketë efekte të ndryshme: Nëse bileta e përgjithshme e transpotrtit publik (GA) për klasin e dytë për të rritur do të bëhet 30 për qind më e shtrenjtë në vitet e ardhshme, ajo tashmë do të kushtojë mbi 5,000 franga në vitin 2035 (aktualisht 3,995 franga), shkruan 20minuten.ch. Çmimi i një GA të klasit të parë ndërkohë do të rritej nga 6500 franga e sotme në gati 8500 franga.

Sipas shoqatës, transporti publik do të përballet me sfida të mëdha në vitet e ardhshme: rritja e popullsisë do të kërkojë një gamë gjithnjë në rritje shërbimesh, përcjell albinfo.ch. Edhe pse sektori në fjalë po bën përpjekje të mëdha për të rritur efikasitetin, VöV thotë se nuk mund të ndikojë në kosto në një masë të madhe.

---