“A e parkon kështu edhe në Suedi?!”

Një mërgimtar që ka ardhur për të pushuar në vendlindje, në Pejë është befasuar jo mirë nga një pusullë që ka gjetur në veturën e tij. Ai për disa ditë me radhë e ka parkuar atë para hyrjes së një ndërtese në Lagjen “Puhovci”, duke u penguar banorëve të qarkullojnë të lirë. Të mllefosur, ata kanë vendosur t’ia lënë një porosi në xhamin e veturës Ford, u lajmpress.info.

“Mirë se ke ardhur”, shkruhet fillimisht, duke i dëshiruar pushim të këndshëm. Por, po ashtu i kërkohet që të sillet mirë në Pejë e të mos e parkojë kerrin në shkallë.
Në mesazhin tjetër, i shkruar po ashtu nga një banor i mllefosur, gjuha është “pak” më e ashpër.

“A e parkon edhe në Suedi para hyrjes”, shkruan në mesazh, ku i kujtohet se për këtë parkim mund t’i a gërvishtin veturën.