Aeroporti i Prishtinës në mesin e tetë më të mirëve, ai i Cyrihut, numër 1

Aeroporti i Cyrihut për të dymbëdhjetën herë me radhë është vlerësuar me çmimin e aeroportit më të mirë evropian.

Ai ka dalë më i mirë në konkurrencë me tetë aeroporte tjerë evropianë, raporton albinfo.ch.

Është interesante se në mesin e tyre ka qenë edhe Aeroporti i Prishtinës, “Adem Jashari”, krahas aeroporteve të Amsterdamit, Barcelonës, Hamburgut, Londrës (Heathrow), Munihut dhe Parisit (Charles de Gaulle).

Vlerësimin e ka bërë Shtëpia Mediale e Londrës World Travel Award Ltd, e cila do të ndaje edhe çmimin, shkruan nzz.ch, përcjell albinfo.ch.

Ky çmim jepet duke filluar nga viti 1993 në bazë të votave të ekspertëve të fluturimit por edhe të publikut të gjerë, thuhet në një njoftim të bërë sot nga Aeroporti i Cyrihut.

Në nivel bote, çmimin World Travel Award këtë vit e kjanë marrë aeroportet e Johannesbutrgut, Maldiveve dhe ai i Dubait.