AK: “Air Albania” nuk shkel konkurrencën

Autoriteti i Konkurrencës (AK) ka autorizuar përqendrimin e realizuar nëpërmjet krijimit të ndërmarrjes së përbashkët “Air Albania” sh.p.k nga “Albcontrol” sha, “MDN Investment” sh.p.k dhe “Turk Hava Yollari” AO.

Konkurrenca argumenton se përqendrimi nuk përbën kufizim të konkurrencës, shkruan ATSH, përcjell Albinfo.ch.

Në vlerësimin e Autoritetit secili aksioner ka: “Albcontrol” 10%, 41% “MDN Investment” dhe  “Turk Hava Yollari A.O” me 49%.

I njëjti dokument jep detaje për linjat që do të mbulojë kompania ajrore shqiptare, regjistruar në QKR në 13 shtator, ku nënvizohet se Stambolli është destinacioni i parë dhe më pas fluturimet do të shtrihen në Romë, Bolonjë dhe Londër.

Aktualisht kompania “Air Albania” po kryhen fluturime test në linjën Tiranë-Stamboll ku stafi i “Air Albania” asistohet edhe nga “Turkish Airlines”.

---