Aksident trafiku në Slloveni, vdes 43 vjeçari nga Kosova 

@pixabay

Një shtetas i Kosovës, 43-vjeçar, ka humbur jetën sot në një aksident trafiku ku u përfshinë katër vetura, në rrugën mes Lubjanës dhe Litisë afër Ribçes, në Slloveni.

Ngjarja raportohet të ketë ndodhur në orët e pasdites derisa viktima që po voziste një furgon vdiq në vendin e ngjarjes nga plagët e marra.

Administrata e Policisë së Lubjanës, tha se kosovari doli në korsinë e kundërt dhe është përplasur me një kamion që po vinte përballë, raporton Rtvslo.si.

Nga aksidenti kanë mbetur të lënduar lehtë drejtuesi i veturës dhe pasagjeri i tij.