Aktori Matt Damon, në Davos të Zvicrës

Aktori i njohur hollywoodian, Matt Damon, tha të martën se shpreson që ndikimi financiar i samitit botëror ekonomik në Davos dhe fama e tij prej aktori, do të ndihmojë në furnizimin e miliona njerëzve me ujë të pijshëm, përmes fondacionit të tij bamirës që fokusohet në këtë detyrë. 

Damon është pjesëmarrës i rregullt në këtë samit, prej se e ka bashkëthemeluar fondacionin “water.org”, që merret me sigurimin e kredive të vogla për njerëzit në nevojë, në mënyrë që personat e varfër kudo në botë të kenë mundësi të paguajnë për ndërtimin e pajisjeve që u mundësojnë t’iu sjellin ujë të pijshëm në shtëpitë e tyre, përcjell albinfo.ch

Damon, ylli i filmave si, “Bourne Identity” dhe “Good Will Hunting”, thotë se nuk e di nëse fama e tij ka ndihmuar në hapjen e dyerve deri te personat që mund të ndihmojnë në këtë kauzë, por shpreson se ka ndihmuar sadopak në këtë drejtim.