Aktorja shqiptare në Zvicër ofron donacione për institucionet shqiptare

40 shtretër spitalorë, gjashtë furgonë, disa për Policinë e Shtetit dhe mjete të ndihmës së shpejtë për spitale, dy makina zjarrfikëse dhe materiale të tjera janë në dispozicion për dhurim.

Diaspora shqiptare vazhdon të japë prova se gjithmonë është në mbështetje të vendlindjes. Aktorja e njohur shqiptare në Zvicër, Zhaklina Dhimojani Blättler, ofron donacione për institucionet shqiptare, transmeton albinfo.ch.

Së bashku me bashkëshortin e saj ka dhuruar 40 shtretër spitalorë, gjashtë furgonë, disa për Policinë e Shtetit dhe mjete të ndihmës së shpejtë për spitale, dy zjarrfikëse dhe materiale të tjera për Ministrinë e Shëndetësisë dhe Mbrojtjes Sociale dhe Ministrinë e Mbrojtjes të Republikës së Shqipërisë.

Në shtator të këtij viti gjithashtu ajo ka dhuruar respiratorë për spitalin “Shefqet Ndroqi” në Shqipëri. /Albinfo.ch

---