Albin Sahatqija, zbuluesi i talenteve nga Kosova për ekipet kroate

Në Kroaci, Albin Sahatqija njihet se njeriu i Hajdukut, skuadrës së madhe nga Spliti, ndërsa në Kosovë, ai vlerësohet si zbuluesi i talenteve.

6 futbollistë kanë marrë kontrata profesionale nga gjashtë herë kampioni i Kroacisë, e shumë të tjerë kanë kryer prova te Hajdukut dhe krejt kjo falë skautit nga Gjakova, Albin Sahatqija, që është shndërruar në njeriun e talenteve për Hajdukun.

Sahatqija është i njohur për futbollin e Kosovës, si njeriu që ka dërguar shumë futbollistë kosovarë e shqiptarë në prova te Hajduku i Splitit dhe krejt kjo falë dashurisë së madhe që ka për klubin e Hajdukut.

Futbollisti nga Kosova Ardian Ismaili ishte ndër të parët që u dërgua në Kroaci te Hajduku, e nga aty Ismaili më pas kishte depërtuar te Kosova U 21 dhe tani është i rregullt te Kombëtarja shqiptare.

Arlind Basha, Adenis Shala e Esat Mala, ishin emrat e tjerë që u provuan e fituan kontrata, pasi klubi vazhdoi bashkëpunimin me Sahatqinë

Së fundit, në futbollin e Kroacisë Sahatqija dhe bashkëpunëtorët e tij, kanë dërguar edhe dy  futbollistët e grupmoshave të Kosovës, Lumbardh Dellova dhe Bleart Tolaj, që luajnë me ekipin e dytë të Hajdukut dhe te juniorët. Derisa gjatë kësaj vere pritet që te Hajduku të dërgohen edhe disa futbollistë të rinj në prova.

Sahatqija ka thënë për KTV-në se nga klubi kroat është fituar besimi, pasi në Kosovë ka më shumë talente se në disa shtete bashkë të rajonit, përcjell albinfo.ch.