Ambasada e SHBA-së tërhiqet nga Bordi i Agjencisë së Pronës

Shtetet e Bashkuara të Amerikës janë tërhequr nga Bordi i Agjencisë për Krahasim dhe Verifikim të Pronës.

Kështu ka njoftuar Ambasada e Shteteve të Bashkuara të Amerikës në Kosovë.

Të njëjtën gjë e kishte bërë më parë edhe Britania e Madhe.

“SHBA-ja ka dhënë dorëheqjen nga Bordi i KPVCA-së, siç bëri Mbretëria e Bashkuar më herët. Ne nuk do të vazhdojmë të jemi pjesë i një institucioni kur lidershipi i tij u shërben interesave personale dhe politike, më shumë se sa qytetarëve”, thuhet në një njoftim të Ambasadës së SHBA-së në Kosovë.

Tutje në këtë njoftim thuhet se “përzgjedhja e miqve të pakualifikuar për pozicionet qeveritare dëmton imazhin e Kosovës dhe tradhton besimin e publikut”.