Ambasada zvicerane: Me linjën e re, Tirana dhe Cyrihu janë më afër

Më një prill u organizua ceremonia e fluturimit që lidh Tiranën me qytetin më të madh të Zvicrës, Cyrihun.

Kjo linjë e re nga SWISS do të operohet nga Edelweiss, e cila do t’u ofrojë pasagjerëve fluturime direkte dy herë në javë, çdo të hënë dhe të premte, thuhet në njoftimin zyrtar.

Nga ambasada e Zvcirës në Shqipëri kanë thënë se kjo linjë do ta afrojë më shumë kryeqytetin shqiptar me Cyrihun.

 “A e dini se Zvicra dhe Shqipëria tani kanë fluturime direkte? Qysh nga 1 prilli i vitit 2019, dy fluturime në javë do t’i sjellin më afër Cyrihun dhe Tiranën, duke rritur kështu edhe numrin e turistëve e vizitorëve nga Shqipëria dhe duke ua lehtësuar udhëtimin nëpër Zvicër”, kanë shkruar sot nga Ambasada e Zvicrës në Shqipëri, përcjell në shqip albinfo.ch.