Ambasadori amerikan: Ibrahim Rugova ishte inspirim për mua

Foto sc: Lidhja Demokratike e Kosovës

Në shënimin e 25 vjetorit të çlirimit të Kosovës, Lidhja Demokratike e Kosovës sot po mban konferencën ndërkombëtare “Rugova dhe perëndimi”, teksa me këtë rast ka folur edhe ambasadori i Shteteve të Bashkuara të Amerikës, Jeffrey Hovenier.

Hovenier ka deklaruar se Rugova ishte inspirim për të, transmeton albinfo.ch.

“Edhe në ditën time të fundit si Ambasador në Kosovë do të vendos lule tek shtatorja e presidentit Rugova, si shenjë respekti për të, për mënyrë se si ai i ka bërë gjërat”, ka thënë ai.

Ai ka kujtuar dhe përmendur se si shumë kohë më parë se si e mori dhuratën e çmuar nga Ibrahim Rugova.

“Dhe sot kur ulem dhe i pres mysafirët e mi në ambasadë, e kam të vendosur mbi tavolinë gurin e çmuar (kristalin) e dhuruar nga presidenti Rugova”, ka thënë ai.