Anel Rashkaj: Kam refuzuar Suedinë dhe Shqipërinë, doja të luaja vetëm për Kosovën

Anel Rashkaj është rikthyer të flasë për periudhën e kaluar te Kosova, por edhe për ofertat që kishte refuzuar për t’u qëndruar besnik Dardanëve, përcjell albinfo.ch.

Rashkaj më 2020 ishte tërhequr nga kombëtarja e Kosovës në futboll, po kurrë më parë nuk kishte diskutuar prapaskenat se kë kishte refuzuar për fanellën dardane.

34-vjeçari ka thënë se ka refuzuar Suedinë dhe Shqipërinë për ta veshur fanellën e Kosovës.

“Po, Shqipëria ka qenë e interesuar për mua. Kur isha në moshën 17-18 vjec, kam folur dhe biseduar me Shqipërinë. Më thanë për të shkuar te U-21, kam folur edhe me Suedinë”.

“Por, në momenti që u pranua Kosova, unë mezi po e prisja dhe dëshira ime ishte e flaktë që të luaja për Kosovën. E mora këtë vendim dhe për mua ato kanë qenë momentet e paharrueshme”, tha Rashkaj.