Angela Martini në lidhje dashurie me Tim Voegele

Martinit nuk i pengon se milioneri 22-vjeçar nga Cyrihu jeton në Londër, e ajo në New York

Ka kohë që po flitet, por tani si duket  është bërë zyrtare lidhja e  top modeles së famshme shqiptare-zvicerane, Angela Martini me Tim Voegele.  “E gjitha ndodhi shumë shpejt”, ka thënë Martini ekskluzivisht për  20 min.

Ata u takuan në mes të dhjetorit në mbrëmjen  „A Small World” ” në Gstaad.  Edhe menaxheri i  Angela Martini, Farah De Tomi ka konfirmuar për 20 min  lidhjen e re të Martinit dhe Voegeles.

Angela Martini ka thënë të ketë gjetur gjuhë të përbashkët që në takimin e parë, por ka mohuar të jetë dashuri në shikim të parë. Ajo tha ta ketë njohur gjatë kohë Timin.

Gati një muaj  janë së bashku. “Unë jam shumë e lumtur dhe e dashuruar. Aktualisht gjendem për punë në Miami. Edhe Timi është këtu dhe shfrytëzojmë  kohën e lirë  bashku”, thotë 26-vjeçarja shqiptare .

Martinit nuk i pengon se milioneri 22-vjeçar nga Cyrihu jeton në Londër, e ajo në New York. Ajo thotë të jenë me fat që mund të shohin njëri-tjetrin sa herë që ne duan.

Angela Martini është lindur në Shkodër para 25 vitesh.  Ajo ka jetuar në Zvicër, Cyrih, para se të depërtonte në skenat e mëdha të modelizmit në Nju Jork.

Në SHBA ajo është aktive edhe si ndërmarrëse duke publikuar koleksionin e saj të parë të kostumeve të plazhit me emrin „Martini Bikini”.　Ajo ka punuar edhe me top-modelet më të mëdha të botës si Gisele Bündchen dhe Kate Moss etj.