Ankohen vendet anëtare: Plani i BE-së për vaksinat nuk mjafton

Keystone EPA/PIERO CRUCIATTI / POOL

Brukseli ndodhet nën një presion të shtuar për të justifikuar planin e tij të vaksinave, pasi shtetet anëtare ankohen për mungesë të dozave.

Markus Söder, numri një i shëndetësisë në landin e Bavarisë, thotë se procesi i Komisionit Evropian për blerjen dhe aprovimin e vaksinës së Pfizer/BioNTech nuk është i mjaftueshëm, raporton Euronews, përcjell Albinfo.ch.

Por zyrtarët e BE-së janë mbrojtur duke argumentuar se plani u miratua nga nivelet më të larta të Unionit.

“Ne duam vaksina nga kompani të ndryshme që përdorin teknologji të ndryshme, në mënyrë që të gjejmë atë që konsiderohet më e sigurt dhe efikase nga Agjencia e Medikamenteve. Ndaj, filozofia jonë bazë ka qenë se duhet të kemi një portofol të diversifikuar, që do të thotë se nuk do të investojmë ekskluzivisht për një kompani apo një tjetër. Ne po investojmë në kompani të ndryshme. Kjo është një qasje që është mbështetur që në fillim nga niveli më i lartë në radhët e shteteve anëtare”, tha Stefan de Keersmaecker, zëdhënës i KE për Shëndetësinë.

Vaksina e ardhshme që ka gjasa të aprovohet këtë javë është “Moderna”, me 160 milionë doza të porositura.