Protestat e organizuara nga refugjati irakian, Salwan Momika, kanë nxitur zemërim të madh në Lindje të Mesme, protesta këto të organizuara për ta djegur Kuranin. Protesta e sotme është zhvilluar në një shesh në jug të qytetit Malmo, teksa sipas raportimeve, rreth 200 persona janë mbledhur për ta parë Momikan.

Sipas policisë, ngjarja ka përfunduar pas largimit të organizatorit, mirëpo një grup njerëzish kanë qëndruar ende aty.

Ndryshe, në mesin e muajit gusht, agjencia e inteligjencës në Suedi e ka rritur alarmin për terrorizëm, duke thënë se Suedia është bërë shënjestër e sulmeve terroriste, teksa së fundi, Suedia i ka rritur edhe kontrollet kufitare, derisa ligjvënësit kanë nisur të diskutojnë për rrugë ligjore që mund t’i ndalojnë protestat, ku përfshihet djegia e librave të shenjtë, të besimeve të ndryshme.