Arrestohet burri që po trafikonte migrantë

Rastin e ka bërë të ditur Policia e Kosovës

Policia në pikën kalimtare në Vermicë ka arrestuar një person të dyshuar për trafikim të migrantëve

Rastin e ka bërë të ditur Policia e Kosovës në raportin 24-orësh, ku ka theksuar se në automjetin e të dyshuarit janë gjetur nëntëmbëdhjetë persona të huaj, të cilët kishin kaluar ilegalisht kufirin këmbë nga Shqipëria në Kosovë.

“Është arrestuar i dyshuari mashkull K/Shqiptar, pasi në automjetin e tij kombi i janë gjetur nëntëmbëdhjetë (19) persona, shtetas të huaj, të cilët kishin kaluar ilegalisht kufirin  këmbë nga R. Shqipërisë për në R. Kosovës”, theksohet në raport.

Po ashtu, bëhet e ditur se me vendim të prokurorit, i dyshuari është dërguar në mbajtje, përcjell Albinfo.ch.

---