Arrestohet shqiptari, i cili falsifikoi dokumentet

33-vjeçari shqiptar kishte të falsifikuara dy leje të qarkullimit, derisa hetimet ndaj tij kanë nisur

Një shqiptar 33-vjeçar është arrestuar afër qytetin Traunstein, përkatësisht në magjistralen A8, shkruan ‘focus.de’.

Policia gjermane e kishte ndaluar për kontroll të zakonshëm. Targat ishin gjermane, por ai kishte pasaportën e Kosovës me vizë gjermane, derisa leja e qarkullimit ishte polake, përcjell albinfo.ch.

Ai kishte edhe një leje tjetër të qarkullimit, që gjithashtu ishte e Polonisë, por të dy leje-qarkullimet ishin të falsifikuara. 33-vjeçari shqiptar është dërguar në stacionin policor dhe hetimet ndaj tij kanë nisur.