Arrestohen në Kosovë persona në kërkim ndërkombëtar

KEYSTONE 2019

Tre persona në kërkim ndërkombëtar janë arrestuar nga Policia e Kosovës.

Një person, shtetas i huaj dhe në kërkim ndërkombëtar, dyshohet për veprën penale të mashtrimit. Kurse dy persona të tjerë të dyshuar se posedonin lëndë narkotike.

Kështu ka bërë të ditur zëdhënësi i Policisë së Kosovës, Daut Hoxha, pēr mediat në Kosovë.

“Mund t’ ju konfirmoj se në orët e pasditës në Prishtinë, Policia e Kosovës, konkretisht njësia FAST Kosova, në bashkërendim me njësitet relevante nga drejtoria rajonale dhe ato të reagimit të shpejtë kanë realizuar një operacion efikas, me ç’rast kanë arrestuar një person shtetas i huaj dhe në kërkim ndërkombëtar, me urdhërarrest ndërkombëtar. I njëjti dyshohet se ndodhet në kërkim ndëkombëtar për shkak të veprës penale të mashtrimit. Gjatë operacionit policor në lokacionin ku është arrestuar i kërkuari i lartcekur me urdhër arrest ndërkombëtar janë arrestuar edhe dy persona të tjerë të dyshuar se posedonin lëndë narkotike dhe veprime policore janë në proces nga njësitet e anti-drogës së Policisë së Kosovës”, ka thënë Hoxha, transmeton Albinfo.ch.