Asgjë s’po funksionon te Shqipëria

Mërgim Mavraj flet për krizën e fundit me kuqezinjtë

Mbrojtësi i Kombëtares, Mërgim Mavraj, foli për mikrofonin e “Supersport” pas ndeshjes ndaj Ukrainës, duke treguar se në skuadrën nuk është duke funksionuar asgjë.

“Është shumë vështirë me gjet një gjë, janë shumë gjëra që nuk funksionojnë. Me thënë të drejtën, asgjë nuk funksionoi. Nuk ecën as sistemi, as mënyra e lojës, as lojtarët si paraqiten, as vullneti as pasioni siç kemi qenë gjithmonë. Me pasion i kemi mbuluar disa gjëra, por të gjitha këto mungojnë”, deklaroi Mavraj.

Megjithatë, ai beson se do të këndellen. “Ne nuk dorëzohemi. E kemi për detyrë ti përgjigjemi kësaj situate. Besoj se ia dalim të gjithë së bashku”, shtoi tutje Panucci.

Ai flet edhe për gabimet. “Nuk është vetëm mbrojtja që ka gabuar ndaj Ukrainës. Mesfusha e kundërshtarit ka pasur kohë dhe e ka bërë lojën si ka dashur dhe ka ardhur me shpejtësi tek ne. Janë shumë gjëra nuk është vetëm një argument”, u shpreh Mavraj.

Shqipëria pësoi 4:1 nga Ukraina, derisa një javë më herët ishte mundur edhe nga Kosova 3:0.