Atentati në Nicë shkaktoi vdekjen e një vogëlusheje nga Yverdoni

Një vogëlushe gjashtëvjeçare me banim në Yverdon-les-Bains (VD) vdiq në atentatin në Nicë. Autoritetet zvicerane dhe franceze janë duke punuar për të identifikuar nënën, ndërkohë që babai dhe dy fëmijë, 8 muaj dhe 4 vjet, u shtruan në spital të tronditur.

“Ne nuk asgjë për fatin e nënës për momentin”, ka bërë të ditur Jean-Christophe Sauterel. Zëdhënësi i policisë së Vaud-it kujton se ka ende të plagosur dhe të vdekur, të cilët ende janë të paidentifikuar nga autoritetet franceze.

Qeveria e Vaud-it shpreh mbështetjen dhe ngushëllimet e saj për familjen dhe miqtë e viktimave të këtij akti terrorist të kryer në mbrëmjen e së enjtes në rrugën Promenade des Anglais. Policia dhe shërbimet shëndetësore janë në dispozicion të familjes, thuhet në komunikatën e Këshillit të Shtetit.

Një linjë telefonike për të ndihmuar

Komuna e Yverdon-it, nga ana e saj, ka mësuar “me pikëllim të madh” vdekjen e vogëlushes me origjinë braziliane dhe banore e qytetit. “Në këto momente dramatike” autoritetet shprehin përkrahjen dhe ngushëllimet për familjen dhe të afërmit e tyre.
Mësimdhënësit dhe personeli i shkollës janë njoftuar përmes një komunikate të veçantë. Një linjë telefonike (0848 133 133) është duke i shërbyer njerëzit që duan mbështetje psikologjike.