Austria do të bëjë teste COVID-19 falas nëpër farmaci

Keystone

Testet COVID-19 do të bëhen falas në farmacitë në të gjithë Austrinë.

Austria të mërkurën miratoi një rezolutë në Këshillin Kombëtar për të ofruar teste të koronavirusit falas në farmacitë në të gjithë vendin. Rezoluta u iniciua nga Partia Social Demokrate e Austrisë (SPÖ), duke fituar mbështetjen nga të gjitha partitë e tjera të mëdha përveç Partisë Austriake të Lirisë (FPÖ), përcjell albinfo.at

Rezoluta jo-detyruese pritet të bëhet ligj në ditët në vijim, raporton gazeta austriake Kurier, pas së cilës “vetë-testet falas të koronavirusit duhet të shpërndahen sa më shpejt të jetë e mundur”. Shefja e SPÖ, Pamela Rendi-Wagner tha që beteja e vendit kundër virusit të jetë efektive, testet duhet të vijnë në dhomat e jetesës së njerëzve.

“Testimi është thelbësor në luftimin e pandemive. Larg burokracisë, (na duhet) më shumë përgjegjësi personale”, tha ajo. “Testet për vetë-përdorim janë në dispozicion, tani ato duhet të prokurohen nga qeveria dhe të ofrohen falas dhe sa më gjerësisht të jetë e mundur përmes farmacive.”

Testet do të jenë në dispozicion për këdo në Austri me një kartë elektronike (kartë e kujdesit shëndetësor) dhe do të jetë në dispozicion në të gjitha farmacitë, përcjell tutje albinfo.at