Austria fillon testimet Covid-19 në kopshte të fëmijëve

Austria ka filluar një projekt pilot për të testuar fëmijët në kopsht për koronavirus.

Nëse është i suksesshëm, testet mund të kryhen në të gjitha kopshtet e fëmijëve në vend. Projekti, i cili filloi në Austrinë e Ulët më 6 prill, synon të marrë një ide më të mirë për rolin e luajtur nga fëmijët më të vegjël që ndjekin kopshtet, shkruan thelocal.de, përcjell albinfo.at.

Në ditën e parë të projektit kishte një rezultat pozitiv nga 179 fëmijë që u testuan. ORF raporton se normalisht kopshtet do të kishin 418 nxënës, por shumica e tyre tani janë në shtëpi për shkak të bllokimit.

Skema do të vazhdojë për tetë javë, pas së cilës do të vlerësohet, me mundësinë e shtrirjes së saj në gjithë shtetin, përcjell tutje albinfo.at.