Austria po konsideron masa më të rrepta bllokimi pas infeksioneve në rritje

Keystone - @katetrifo

Austria u ka bërë thirrje qytetarëve që një bllokim mund të ndodhë, nëse numri i rasteve vazhdon të rritet.

Media austriake i ka etiketuar shtatë ditët e ardhshme si ‘javë vendimtare’, përcjell albinfo.ch.

Pak më pak se një javë nga implementimi i një mbylljeje në gjithë vendin, koronavirusi vazhdon të përhapet në gjithë Austrinë.

Të mërkurën numri i infeksioneve ditore ishte më shumë se 6,000 për herë të parë dhe më shumë se 7,000 të enjten. Të shtunën numri i rasteve të reja kaloi 8,000 për herë të parë. Spitalet po ndiejnë tendosjen, me një rritje prej 58 për qind të shtrimeve të reja në spital gjatë javës së kaluar.

Tani janë 459 persona në kujdes intensiv në Austri, me 80 pranime të reja që vijnë gjatë fundjavës.

Ministri i Shëndetësisë, Rudolf Anschober, tha: “Ditët në vijim do të jenë ditët e marrjes së një vendimi. Nëse bllokimi i pjesshëm nuk i ‘relakson’ rritjet (në raste), atëherë do të duhet të forcojmë bllokimin e pjesshëm”.

Të dielën, Anschober u bëri apel popullatës që të zvogëlojnë kontaktin me njerëzit, të mbajnë maska, të mbajnë një metër distancë dhe të përdorin Aplikacionin Stop Corona, shkruan thelocal.at, përcjell albinfo.ch.