Austri: Taksë kompanive të energjisë që fituan nga shtrenjtimi i çmimeve

Austria po shqyrton një taksë pas fitimeve të mëdha që kanë arritur kompanitë e energjisë

Austria po shqyrton një taksë të papritur, pas fitimeve të mëdha që kanë arritur kompanitë e energjisë, tha të shtunën e 15 tetorit zëvendëskancelari Werner Kogler, përcjell albinfo.at.

Politikani i Partisë së Gjelbër tha se dëshiron të vendosë deri në fillim të vitit të ardhshëm mbi mënyrën se si do të zbatohet taksa. Taksa mund të zbatohet gjithashtu në mënyrë retrospektive në vitin 2022, u tha ai mediave.

“Diçka do të ndodhë. Unë guxoj ta njoftoj këtë tani”, tha ai.

Në këtë mënyrë, Austria do t’u bashkohet shumë shteteve evropiane, të cilat duke aplikuar taksën e papritur ndaj atyre kompanive, të cilat papritmas janë duke fituar disa herë më shumë se më parë, jo prej investimeve të tyre, por thjesht sepse çmimi i energjisë në tregje është shtrenjtuar.

 

---