Austriakët ndërtojnë hidrocentral në Kosovë

Kompani austriake KELAG ka investuar rreth 55 milionë euro në ndërtimin e një hidrocentrali në rajonin e Deçanit

Kompania Kelag nga Austria ka planifikuar të investojë rreth 55 milionë euro për ndërtimin e tri hidrocentraleve të vogla në Komunën e Deçanin. Në praninë edhe të përfaqësuesve të institucioneve të Kosovës, Kelag inauguroi gurëthemeli të Hidrocentralit të Belajes në komunën e Deçanit.

Ky hidrocentral fillimisht do të ketë kapacitete 28 megavatësh ndërsa në vijimësi do të shtohet fuqi, sikurse do të shtohen edhe investimet.

“Ky projekt pritet të rritet në fazat e mëvonshme, duke zgjeruar kapacitetet gjeneruese të energjisë deri në 100 megavat, që nënkupton vlerën e investimeve prej 200 milionë eurove”, ka thënë kryeministri Hashim Thaçi, duke garantuar se Kosova është vend i mundësive dhe vend i sigurt për investime.

Gjatë vitit të kaluar, Qeveria e Republikës së Kosovës, siç tha kryeministri Thaçi, ka miratuar dhe ka prezantuar platformën reformatore ku sektori privat është identifikuar si motor i zhvillimit ekonomik.

“Ky investim i huaj, i investitorëve nga Austria, dëshmon përkushtimin e Qeverisë së Republikës së Kosovës, të autoriteteve tjera lokale, për fuqizimin e sektorit privat dhe tërheqjen e investimeve të huaja në Republikën e Kosovës”, tha më tej kryeministri Thaçi.

Ambasadori i Austrisë në Kosovë, Johann Brieger, ndërkaq u shprehur i kënaqur për përkrahjen e pa rezervë të Qeverisë së Kosovës dhe të Komunës së Deçanit për mundësinë e këtij investimi. “Kemi gjetur përkrahjen dhe mirëbesimin tuaj për investime të tilla, të cilat mundësojnë zhvillimin e Kosovës” tha Brieger, duke premtuar edhe investitor të tjerë nga ky shtet.

Ndërsa Rasim Selamanaj, kryetar i Deçanit tha se ky ndërtimi ka rëndësi të veçantë për zhvillimin e komunës.

Një rezyme për kompaninë Kelag e dha kryetarja e Landit “Karnten”, Carinthia Dorfler, e cila tha e kjo kompani është shumë e njohur në gjithë Evropën për investime në fushën e energjisë alternative. Siç tha ajo, Kaleg në gjithë Evropën ka ndërtuar më shumë se 60 hidrocentrale, ndërsa Kosova ofron mundësi të mira për këtë lloj energjie.